Një ngjarje e rëndë ka ndodhur në Ukrainë, ku një 44-vjeçar vrau aksidentalisht të fejuarën e tij disa ditë para se të martoheshin.
Dmitry po i tregonte shokut armën e re që kishte blerë së fundi dhe pa dashje ka hapur zjarr ndaj të fejuarës Tatyana 37 vjeç.
Dy fëmijët e 37-vjeçares ndodheshin në dhomën tjetër dhe vrapuan për ta parë nënën e tyre të shtrirë përtokë, teksa ishte e mbuluar me gjak.
Atë ditë shoku i Dmitry, Oleksiy Kondratev shkoi për vizitë tek shtëpia e tyre dhe çifti hyri në dhomën e gjumit së bashku me mikun për t’i treguar pushkën e re.
“Dmitri po mbante armën në nivelin e legenit me gishtin e djathtë të tij tregues në këmbëz dhe se gryka ishte drejtuar nga Tatjana. Ai filloi të lëvizte pushkën dhe në këtë moment arma qëlloi”,- u shpreh Kondratev për mediat lokale.
Një nga fqinjët e çiftit tha për mediat: “Tatjana ishte shtrirë në dysheme në një pellg gjaku dhe me zorrët e saj të dala. Dmitry ishte një roje sigurie në një kompani private, bleu armën për të mbrojtur familjen e tij sepse jetonin në një lagje të rrezikshme.”
Pas arrestimit, 44-vjeçari i dërgoi një mesazh prindërve dhe fëmijëve të fejuarës së tij.
“Mami, babi, fëmijë, më fal që nuk e shpëtova. Ju e dini sa e kam dashur. Unë nuk di si të jetoj pa të”,- tha ai.
Tashmë ai rrezikon 15 vite burg, ndërsa nëna e 37-vjeçares ka bërë apel që ai të lirohet, pasi ngjarja ishte aksidentale.
Nila Mymrina ka deklaruar: “Ishte një aksident tragjik. Dmitry duhet të lirohet. Vajza ime ishte gruaja më e lumtur në botë me këtë burrë.”
Miku i tyre, Oleksandr Volkov tha se e kishte ndihmuar Dmitry të blinte unazën e martesës dhe në përgatitjet e dasmës dhe se dyshja njiheshin prej 10 vitesh.
Ata ishin takuar në një autobus. Kur Tatyana zbriti nga autobusi ai vrapoi pas saj dhe i dha diçka që kishte harruar, brenda i kishte futur numrin e telefonit. Dy javë më vonë ajo e telefonoi Dmitryn dhe u lidhën së bashku.
