Zv.kryeministri Erion Braçe është ndalur te premtimet e PD-së për taksën e sheshtë 9% dhe premtimit të mazhorancës për taksë progesive.
Braçe shkruan se me mënyrën e tatimit që mazhoranca premton, fitimtarë janë të vegjlit. Teksa ka publikuar video nga një pjesë të kronikës së përgatitur më herët nga Report Tv, numri 2 i qeverisë shprehet se kjo formë e taksimit nuk është një premtim elektoral, por një plan që kjo qeveri e ka pasur më herët.
“Lufto fort për gjërat që beson, që janë të drejta, që ndihmojnë të vegjlit, të pamundurit; korrigjojnë pabarazinë! Rrogat deri 400 mijë lekë pa tatim! Rroga minimale në këtë fashë pa tatim! E bëjmë ne! Lylzim Basha e Monika Kryemadhi, Sali Berisha e Ilir Meta mbi ta, do të tatojnë 9% rrogën minimale! Ne as sot nuk e tatojmë, as nesër nuk do e tatojmë! Ata: Tatimi për rrogën minimale 9%! Ne: Tatimi për rrogën minimale 0%! Ata: Tatimi për rrogën, 400 mijë leke 9%! Ne: Tatimi për rrogën 400 mijë lekë 0%!
Ky është dallimi real: Me ata fitojnë ata vetë dhe familjet e tyre; Me ne fitojnë të vegjlit, punojnë, paguhen, mbajnë gjithçka për vete nga rroga e tyre”, shkruan Braçe.
