Kryeqyteti somalez Mogadishu është tronditur nga dy shpërthime të fuqishme, vetëm dy javë pasi një bombë vrau më shumë se 350 persona.
Shpërthimi i parë u shkaktua nga një makinë bombë, pranë një hoteli, ndërsa shpërthimi i dytë ndodhi pak momente më vonë në afërsi të Parlamentit.
Një zyrtar i lartë i policisë tha për agjencinë e lajmeve Reuters se militantët pas shpërthimit sulmuan hotelin.
Nuk ka një informacion të saktë për numrin e viktimave, por BBC raporton se janë vrarë tre persona, ndërsa Reuters raporton për 7 viktima, mes të cilëve ushtarë dhe civilë.
Ndërkohë ambulanca e qytetit Aamin tha se kishte transportuar 15 të plagosur, duke shtuar se kishte “shumë trupa të vdekur”.
Nuk dihet ende se kush fshihet pas këtij sulmi, por kohët e fundit grupi islamik al Shabaab ka marrë përgjegjësinë e sulmeve në Somali.
/AlpeNews.al/
Dy shpërthime të fuqishme në Somali, ka viktima
