Drejtuesi Politik i Partisë Socialiste për Qarkun e Elbasanit, Taulant Balla zhvilloi një takim me një grup qytetarësh në Rajonin. Nr.1 në qytetin e Elbasanit, të cilët janë larguar nga LSI-ja për tju bashkuar Partisë Socialiste.
Në fjalën e tij Balla tha se shumë djem e vajza, burra dhe gra në Elbasan mendonin se duke qenë se ishin tek LSI-ja, po kontribuonin në një parti të majtë.
“LSI nuk është as e majtë dhe as e djathtë, unë nuk e di çfarë është, nuk gjej dot një definicion të saktë se çfarë është. LSI-ja është një SHPK thoshte më parë Lulzim Basha. E përgëzoj Altinin dhe shumë djem e vajza, gra dhe burra në Elbasan, të cilët kanë vendosur që të kontributin e tyre politik për vendin ta japin tek Partia Socialiste dhe të mos vazhdojnë të jenë më pjesë e LSI, sepse LSI-ja nuk mund ti japë më asgjë këtij vendi dhe nuk ka asnjë dyshim që do ta çojmë për skrap LSI në kuptimin politik të fjalës, për ta çliruar dhe shprehjen hajd se LSI është parti e majtë. Jo LSI nuk është fare parti e majtë”, deklaroi Balla
