Vijojnë kontrollet e policisë për respektimin e masave antiCOVID. Një lokal në Durrës është konstatuar duke thyer masat COVID pasi ushtronte aktivitet jashtë orarit të lejuar dhe është gjobitur.
Administratori i këtij lokali, shtetasi me iniciale S.C. u ndëshkua me 1.000.000 lekë. Ndërkohë ditën e djeshme në Tiranë u gjobitën 2 lokale të tjera.
Drejtori i Përgjithshëm i Policisë së Shtetit Ardi Veliu, i shoqëruar nga drejtues të Drejtorisë Vendore të Policisë Tiranë, mbrëmjen e djeshme inspektoi shërbimet e Policisë së kryeqytetit, për të parë nga afër zbatimin e masave anti-COVID dhe punën që po bën Policia në këtë drejtim.
Nga bilanci i Ministrisë së Shëndetësisë, dje u raportuan 12 viktima dhe 956 të infektuar nga koronavirusi.
