Ministria e Shëndetësisë së Maqedonisë së Veriut ka njoftuar se në laboratorin e ASHAM-it në periudhën pre 1 janarit e deri më 7 shkurt të këtij viti është konstatuar prezenca e SarsKov2 nga Britania e Madhe, tek 45 tamponë të personave të infektuar.
Pacienti i parë me këtë lloj të virusit në këtë laboratori është diagnostikuar më 13 janar 2021 në Ohër.
Aktualisht ky variant i virusit është më i theksuar në Ohër dhe Prilep, ndërkohë që është prezent edhe tek pacientë të qyteteve tjera si: Tetovë, Strugë, Kumanovë, Shtip dhe Veles.
Ministria e Shëndetësisë atje apelon deri tek të gjithë qytetarët që të respektojnë masat të cilat janë në interes të mbrojtjes së shëndetit të qytetarëve.
