Në vijim të apelit të saj për kandidatë të pastër për zgjedhjet e 25 prillit ambasadorja e SHBA Yuri Kim ka rikujtuar vendimin e SHBA për Tom Doshin, të cilin e ka futur në listën e zezë.
Kim ka kujtuar vendimin e sekretarit të SHBA që Tom Doshi të jetë në listë të zezë, duke e akuzuar si të përfshirë në korrupsion. Sipas Kim, votuesit meritojnë kandidatë më të mirë se Doshi.
‘Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky emërim, i bërë nga Sekretari i Shtetit i SH.B.A.-së pas shqyrtimit të kujdesshëm të informacionit. Me siguri, votuesit e Shqipërisë meritojnë më mirë se kjo”, tha Kim.
Kujtojmë se Tom Doshi është kryetar i Partisë Social Demokrate dhe i takon atij e partisë së tij të vendosë nëse ai do të kandidojë në zgjedhjet e 25 prillit.
