Europa është përfshirë nga moti i keq, ku stuhia në Gjermani dhe përmbytjet në Francë kanë bërë që dhjetëra familje të evakuohen nga banesat e tyre.
Në Berlin temperaturat kanë arritur deri në -8 gradë celcius, ndërsa ditën e djeshme një prej kampeve më të mëdha të të pastrehëve u evakuua pas parashikimeve për stuhi dëbore.
“Ne kemi mundur të gjejmë strehë për të gjithë personat e evakuuar dhe do të kujdesemi që t’i akomodojmë duke ruajtur masat e pandemisë COVID-19. Të gjithë personat do të kenë mundësi të shpenzojnë fundjavën në ambiente të ngrohta dhe të mbrojtura”, tha Kevin Honicke, kryetar i bashkisë i Berlinit.
Sipas parashikimeve të meteorologëve gjermanë, reshjet e dendura të dëborës do të vazhdojnë deri të hënën, teksa në veri pritet që niveli i dëborës të arrijë deri në 40 centimetër. Në Berlin temperaturat priten të ulen deri në -8 gradë celsius gjatë ditës dhe -12 gradë gjatë natës.
Sipas policisë, numri i personave të plagosur ka arritur në 28 persona, duke përfshirë dy në gjendje të rëndë.
Ndërkohë kryeminsitri francez pritet të shpallë gjendjen e katastrofës natyrore pas përmbytjeve që përfshinë veriperëndimin e Francës.
