Shitjet e makinave elektrike në Europë në 2020 dhe ato hibride të rikarikueshme u trefishuan, duke tejkaluar në total një milionë automjetesh të shitura, sipas shifrave të publikuara nga Shoqata e Prodhuesve Europianë (ACEA).
Rreth 538 772 automjete elektrike janë shitur vitin e kaluar dhe 507 059 hibride, me një përshpejtim në tremujorin e katërt.
Ndërkohë që tregu europian në tërësi pësoi një rënie me një të katërtën e shitjeve të tij si pasojë e krizës shëndetësore, shitjet e automjeteve hibride (përfshirë ato jo të rikarikueshme) dhe madje tejkaluan shitjet të automjeteve me naftë në Europë në tremujorin e katërt, me më shumë se 900 000 automjete të shitura.
Gjermania, Italia dhe Franca kanë regjistruar një rritje të konsiderueshme të makinave elektrike.
Makinat elektrike gjithashtu rrëmbyen pjesën e tregut të automjeteve me benzinë në tremujorin e katërt, pasi shitjet e automjeteve me benzinë ranë me 33,7% në 1,2 milion kopje (40,6% pjesë e tregut) dhe ato të naftës 23% në 731,000 njësi (24,5%).
Në të njëjtën kohë, makinat elektrike u rritën me 217%, në 248,000 kopje, hibride plug-in me 331% në 227,000 kopje dhe hibride jo-të rikarikueshme me 105% në 435,000 kopje.
