Perspektiva e të arratisurit në det të hapur në një periudhë pandemie, është me siguri ëndrra e çdokujt. Sidoqoftë, të paktë janë ata që kanë fatin të kenë një super – jaht, sikurse ai që po bën xhiron e rrjetit në këto momente.
Mogul David Geffen është personazhi që ka ndarë në rrjetet sociale postimin që më tej mori famë, ku tregon se ai është vetë-izoluar në bordin e jahtit të tij luksoz “Rising Sun”, ndërsa një tjetër miliarder, kësaj here rus, Roman Abramovich, raportoi për mega – jahtin e tij në Karaibe.
Sidoqoftë, me COVID – 19 si diskurs kryesorë i ditëve të sotme, nuk do të thotë se jahtet do të jenë të mbrojtura nga virusi. Por, së fundmi, kompania australiane e dizajnit detar, “Incat Crowther” kanë gjetur një mënyrë kreative për zgjidhjen e kësaj pengese.
Ekipi, i cili më parë shpiku “Hodor”, anijen më të madhe në botë “në hije”, zbuloi kohët e fundit një koncept të ri që është “një amortizues midis jahtit kryesor dhe botës së jashtme”.
E përshkruar si një shtresë mbrojtëse, “ShadowCAT Haven” vepron si një strukturë lundruese e testimit Covid-19 dhe një zonë karantine që lejon pronarët të mbajnë flluska sociale të sigurta nga Covid në bord.
Me përmasa 224 metra, anija mund të strehojë 52 persona dhe është e pajisur me një spital dhe me një laborator, si dhe me kamera teknike të krijuara për të përcaktuar çdo shenjë të infeksionit.
Koncepti shumë modern vjen në një kohë kur kërkesa për jahte të mëdha duket se po rritet. Pavarësisht nga pandemia globale, një total prej 341 jahtesh u shit përgjatë vitit 2020, sipas burimit të inteligjencës së Tregut të jahteve, “BOAT Pro”.
Edhe pse kjo tregon një rënie të lehtë në treg, krahasuar me 404 jahte të shitura në vitin 2019, shitjet krijuan një trend rritës në fund të 2020- ës.
