160 pasagjerë të tragetit të linjës Brindisi – Vlorë kanë mbetur të bllokuar si pasojë e motit të keq.
Trageti ka mbërritur në port për të zbarkuar pasagjerët, por pas disa manovrave për t’u lidhur në mol, e ka patur të pamundur për shkak të erës së fortë.
Për pasojë pasagjerët kanë mbetur brenda në traget, pa mundur të zbresin.
Meteorologët kanë paralajmëruar një përkeqësim të mëtejshëm të motit për ditën e sotme, ku orët e pasdites do të sjellin reshje të dendura shiu.
