Një ngjarje tragjike ka ndodhur në Itali, ku një 39-vjeçar ka vrarë gruan dhe djalin e tij vetëm 5 vjeç.
Ngjarja ndodhi rreth orës 3 të mëngjesit, në një shtëpi në Carmagnola të Torinos.
Përpara se të kryente aktin makabër, burri shkroi një shënim “Do të të marr me vete”.
Sipas mediave italiane, në letër 39-vjeçari shkruante se ishte i zhgënjyer nga marrëdhënia me gruan e tij, ndërkohë që shprehte dashurinë për dy viktimat.
Pasi kreu vrasjen, ai u përpoq të priste venat dhe u hodh nga ballkoni, duke shkaktuar një thyerje të një vertebre. Ai gjithashtu kishte gëlltitur një lëng, për të cilin do t’i nënshtrohet një ekzaminimi special.
Menjëherë pas publikimit të lajmit faqja e Facebookut të 39-vjeçarit u mbush me komente fyese dhe urrejtëse për veprimin e tij. “Ju vratë dy engjëj, vrasës”, “si mundët?”, “Unë shpresoj se do ta pësoni në burg”, janë disa nga mesazhet e postuara nën imazhin e fëmijës. “Pusho në paqe qenush, ti kishe një jetë para teje por kush të duhej të mbroje të vrau, nuk ka fjalë”, “çfarë padrejtësie”,- shkruhet më tej.
