Ka shumë mundësi që ju zotëroni një smartphone ose një kompjuter me chip defektoz i cili mund të përdoret nga hacker-at për të vjedhur informacion sensitiv.
S’jeni vetëm. Miliona pajisje vuajnë të njëjtin fat në gjithë botën dhe fajin e kanë procesorët e prodhuar nga Intel, AMD dhe ARM Holdings. Kjo do të thotë që, nëse keni një desktop, smartphone, kujtesë virtuale nga Apple, Google, Amazon apo Microsoft, ju mund të jeni shënjestër e një sulmi kibernetik.
Mos përhapni panik.
1. Instaloni versionin e fundit të software-it
Të gjitha kompanitë e lartpërmendura po publikojnë përditësime që e mbrojnë pajisjen tuaj nga difektet e procesorit.
2. Kini parasysh që pajisja juaj do të ngadalësohet
Desktopët dhe laptopët do të ngadalësohen diku tek 30% dhe pajisjet e tjera si normalisht. Çdo përditësim software-i i ngadalëson nga pak.
3. Prisni dhe shpresoni
Procesorët nuk mund të ndërrohen dhe problemi nuk mund të zgjidhet menjëherë. Edhe pas përditësimit, pajisjet dhe të dhënat tuaja mund të vidhen nga dashakeqësit. E mira është se nëse s’jeni person publik ose insititucion me një bazë të madhe të dhënash, shanset që të targetoheni janë të ulëta.
Burimi: CNN