Studiuesit kanë zhvilluar një spraj të hundës i cili mund të parandalojë një infeksion të COVID për deri në dy ditë dhe mund të jetë i disponueshëm nëpër farmaci brenda pak muajsh.
Spraji është i përbërë nga përbërës tashmë të aprovuar për përdorim mjekësor, që do të thotë se nuk ka nevojë për ndonjë aprovim të mëtejshëm, për përdorim.
Shkencëtarët e Universitetit të Birminham-it e kanë zhvilluar sarajin, që aktualisht është i paemëruar, që në prill të vitit të kaluar.
Drejtuesi i kërkimeve, Richard Moakes tha se ai kishte besim se spraji mund të ndihmojë në heqjen e distancimit social dhe rihapjen e shkollave.
“Qëllimi ynë është që të kemi një ndikim sa më shpejt të jetë e mundur dhe do të dëshironim që kjo të ndodhte në verë.
Sparji parandalon infeksionin duke ‘kapur’ virusin në hundë, kjo do të thotë që virusi nuk mund të kalojë në rrugët e frymëmarrjes dhe bëhet joaktiv dhe i padëmshëm”, tha ai.
Studiuesit besojnë se përdorimi i sarajit katër herë në ditë do të jetë i mjaftueshëm për të siguruar mbrojtje të përgjithshme.
Megjithatë, është shumë i sigurt për t’u përdorur edhe çdo 20 minuta, nëse një person do të jetë në një ambient ku transmetueshmëria e virusit mund të jetë shumë e lartë.
