Kur kanë kaluar vetëm disa orë pas betimit të Joe Biden si president i 46-të i Amerikës janë zbuluar dhe disa nga pasionet e tij. Presidenti i ri i ShBA është një adhurues i makinave.
Para se të fillonte mandatin e tij në Shtëpinë e Bardhë, Joe Biden zbuloi historinë e dashurisë pas makinës Stingray Chevrolet (e hapur) e prodhimit 1967. Dashuria e presidentit të ri për makinat lidhet me babanë e tij, i cili punonte si tregtar makinash në Delaware.
Duke qenë se ai shkonte shpesh tek puna e të tij, nisi që të kishte një lidhje shumë të ngushtë me makinat që prodhoheshin në ato vite.
Makina e parë që presidenti ka përdorur ka qenë një Chrysler 300D për mbrëmjen e maturës dhe këtë ai e mori hua. Më pas ai bleu një Chevrolet të vitit 1956, të cilin e zëvendësoi me një të përdorur ne gjendje te keqe Mercedes-Benz.
Pak më vonë, ai u martua me gruan e parë Neilia Hunter, ndërkohë që si dhuratë martese mori një makinë (Goodwood-Green) Stingray Corvette, nga babai i tij.
Në një intervistë të mëparshme kur ai ishte zv president, Joe Biden tha se i pëlqente shpejtësia ndaj adhuronte makinat dhe në veçanti makinën që mori si dhuratë për dasmë.
“Sa herë që futem në këtë makinë kam kujtime të pabesueshme, të mira dhe të këqija. Mendoj për babanë dhe për familjen”, shprehej Biden asokohe.
Makina është ruajtur, nuk është restauruar dhe për shkak të historisë së saj (dhe pronarit të saj) vlera mund të kalojë 150,000 dollarë.
Duke qenë se lideri i ri i SHBA-së ka marrë detyrën duhet të dorëzojë çelësat e makinës së tij të preferuar.
Shërbimi Sekret ka rregullta shumë të rrepta, ndalon presidentët t’i japin makinave të tyre personale. Madje edhe kur mbaron mandati, një ish-president nuk mund të drejtojë kurrë më një makinë në rrugë të hapur.
