Forcat e sigurisë së Guatemalës të hënën pastruan një rrugë prej qindra njerëzish në një karvan migrantësh, kryesisht nga Hondurasi, që autoritetet e ndaluan të përparonte drejt Shteteve të Bashkuara.
Qeveria e Guatemalës tha se rruga në pjesën lindore të vendit u hap përsëri pas trafikut, pasi turmat me shkopinj dhe mburoja plastike u mblodhën pak përtej fshatit Vado Hondo, rreth 35 milje (56 km) nga pikat kufitare në Honduras dhe El Salvador.
Me ushtarët që vështronin, grupe migrantësh, shumë me fëmijë dhe që mbanin çanta e bagazh, pastaj prisnin në radhë për të hipur në autobusë duke i kthyer ata në pikën kufitare El Florido me Honduras, treguan pamjet video në mediat sociale.
Largimi i grupit të madh ishte përpjekja e fundit nga autoritetet e Guatemalës për të prishur karvanin, për të cilin autoritetet thanë se numëronte gati 8 000 njerëz, brenda disa orësh nga nisja e tij për në Shtetet e Bashkuara nga Hondurasi javën e kaluar.
Rreth 2 000 migrantë u vendosën në rrugë, pasi u përleshën me forcat e sigurimit të Guatemalës të dielën, gjatë një përpjekjeje të dështuar për t’i shkuar në SHBA. Disa njerëz u plagosën, ndërsa policia e detyroi turmën të ikë nga rruga, tha Andres Gomez, një guatemalas në karvanin e migrantëve.
Gutamelasi tha se gjithçka ngjante sikur të jetë luftë, por se nuk duhet e nuk mund të jetë e tillë. Ai shtoi se ka pasur dhunë të ushtruar edhe ndaj grave e fëmijëve. Ruben Tellez, një zëdhënës i ushtrisë së Guatemalës, më vonë mbrojti përdorimin e forcës së ushtarëve, duke e përshkruar atë si minimale dhe proporcionale.
“E drejta e tyre për të migruar po respektohet për sa kohë që ata vërtetojnë se hyrja e tyre në vend përputhet me kërkesat migratore dhe sanitare,” i tha Tellez Reuters-it, duke iu referuar dokumenteve të vlefshme të identifikimit si dhe një testi negativ COVID-19 të marrë në 48 orët e fundit.
