Disa vende të BE po marrin më pak doza të vaksinës së Pfizer kundër koronavirusit sesa pritej, pasi firma amerikane ngadalësoi dërgesat.
Gjashtë kombe e quajtën situatën “të papranueshme” dhe paralajmëruan se po “ul besueshmërinë e procesit të vaksinimit”.
Suedia, Danimarka, Finlanda, Lituania, Letonia dhe Estonia i kërkuan BE të ushtrojë presion mbi Pfizer-BioNTech.
Në një reagim, Pfizer tha që dërgesat e reduktuara ishin një çështje e përkohshme.
Prodhuesi i ilaçeve tha se dërgesat po ndikoheshin nga ndryshimet në proceset e saj të prodhimit, të dizajnuara për të rritur prodhimin.
“Megjithëse kjo do të ndikojë përkohësisht në dërgesat në fund të janarit deri në fillim të shkurtit, por ajo do të sigurojë një rritje të konsiderueshme në doza të disponueshme për pacientët në fund të shkurtit dhe marsit,” tha Pfizer.
