Moti i keq që ka përfshirë Spanjën ditët e fundit, me reshje të dendura dëbore dhe ngrica u ka marrë jetën 4 personave, ndërsa mijëra të tjerë kanë mbetur të bllokuar.
Trupat e një çifti u gjetën në një makinë pasi mjeti i tyre u përmbys nga një lum i rrëmbyeshëm pranë qytetit Fuengirola.
Një 54 vjeçar u gjet i pajetë në Madrid nën një grumbull dëbore, ndërsa në qytetin Zaragoza humbi jetën një i pastrehë.
Reshjet e dëborës në kryeqytetin spanjoll Madrid janë më të lartat në 50 vitet e fundit, pasi shtresa e dëborës i ka kaluar 50 centimetër.
