Prej ditësh moti i keq dhe me rebeshe shiu ka përfshirë gjithë vendin. Ditën e sotme shumë qytete kanë hasur problematika të mëdha nga shiu i rrëmbyseshmëm.
Situata më e vështirë ka qenë në Lezhë, Shkodër, Durrës dhe Vlorë, shkruan Alpenews.al.
Në Lezhë pati përmbytje të mëdha në dy lagjet kryesore “11 janari” dhe “Besëlidhja”. Nga përkeqësimi i motit pati rrëshqitje të dherave dhe situata u paraqit shumë serioze ku disa familje rrezikojnë të humbin banesat dhe bizneset e tyre.
Nga situata e krijuar në Lezhë mësohet se një familje nga Dajçi është evakuar pasi banesa e tyre është përmbytur.
Situata tepër e rënduar edhe në Durrës ku shumë shtëpi janë mbuluar nga uji i rrëmbyeshëm i shirave. Mësohet se si rezultat i daljes nga shtrati të lumenjve Erzen e Ishëm janë përmbytur disa banesa e biznese, teksa janë evakuuar rreth 20 persona, duke i sistemuar tek të afërmit e tyre. Ndërkohë ka afishuar të gjithë numrat e telefonit ku qytetarët duhet të tefelonojnë për të marrë ndihmën e nevojshme. (KLIKO LINKUN)
Zonë problematike qe edhe Vlora pasi reshjet e rëna gjatë 24 orëve të fundit kanë bërë që niveli i lumit Vjosë të rritet mbi 6.3 metra mbi nivelin e detit. Si pasojë ka dalë nga shtrati dhe ka përmbytur në këtë mënyrë një pjesë të pazarit pranë urës së Mifolit në Vlorë.
Shumë problametike ishte edhe në aksi rrugor Sarandë-Borsh ku është çarë në mes rruga duke e bërë të rrezikshme dhe të pakalueshme. (Kliko linkun)
Përkeqësim pati edhe në Shkodër ku si pasojë e rreshjeve intesive pati prurje të lumit Drin dhe Buna. Kjo bëri që dhe forcat e armatosura të niseshin drejt Shkodrës për t’u ardhur në ndihmë qytetarëve. Mësohet se shkak i përmbytjeve në Obot të Shkodrës janë edhe shkarkimet me 300 m3/s nga HEC-i i Vaut të Dejës.Gjithashtu ka filluar dhe shkarkimi nga HEC-i i Shkopetit dhe Ulzës.
Situatë mjaft problematike ka qenë edhe në Fushë-Krujë, sidomos në fshatin Murqinë të njësisë administrative Bubq ku niveli i ujit në ara ka kaluar 50 cm. Shirat e rrëmbyeshëm kanë kanë bërë që lumi Ishëm të dalë përsëri nga shtrati.
Po punohet në këto zona për normalizimin e situatës. /Alpenews.al
