Ministrja e Mbrojtjes Olta Xhaçka ka zhvilluar një takim me Forcën Detare Shqiptare. Gjatë takimit të zhvilluar ministrja çmoi kontributin njerëzor të Forcave të Armatosura, ndërsa bëri të ditur se Forcat Detare do të qëndrojnë në detin Egje deri në fund të vitit 2018.
“Kontributi njerëzor është ajo cka unë çmoj më shumë tek Forcat e Armatosura. Çdo ditë e më shumë ndjej krenari dhe mirënjohje për efektivët e secilës prej forcave; tokësore, detare apo ajrore. Akoma më shumë ndihem krenare kur më vijnë informacione për rezultatet tuaja në operacionet e kërkim – shpëtim në ujrat tona territorial e aq më tepër në misionet ndërkombëtare”, u shpreh ministrja.
Gjatë fjalës së saj Xhaçka deklaroi se Forcat Detare, vetëm gjatë 1 viti kanë shpëtuar 700 emigrantë të huaj gjatë operacioneve përkrah NATO-s. më lejoni tju bej me dije se pak ditë më
“Do të punojmë për të shpëtuar të tjerë jetë njerëzish, si ata 700 emigrantë sirianë, që i zbritët shëndoshë e mirë në breg apo të tjerë që do të kenë të njëjtin fat të mirë, përmes kontributit të ushtarakëve që valëvisin flamurin shqiptar në ujrat ndërkombëtare”, deklaroi Ministrja.
Po ashtu ministrja shfrytëzoi këtë moment takimi për të bërë të ditur se 4 anije patrullimi të Forcave Detare do të pajisen me sistem modern armatimi.
Anijet e Forcës Detare janë të angazhuara në operacionin e NATO-s në detin Egje për parandalimin e fluksit të emigrantëve të paligjshëm. Anijet e FA në detin Egje e kanë nisur misionin e tyre në dhjetor të vitit të kaluar dhe do të zgjasin për plot 2 vite.
