Zv.Ministrja e Shëndetësisë Mira Rakacolli ka pranuar se Komiteti Teknik i Ekspertëve nuk ka kërkuar kurrë një mbyllje tjetër të vendit.
E ftuar në “Report Tv”, Rakacolli tha se ndjehet keq kur shikon të gjithë ata pacientë që po përballen me kompliacionet e Covid-19.
Megjithatë, ajo shton se është bërë e fortë për tu përballuar me këtë situatë, pasi gjatë profesionit i ka pasur momente kur i kanë ndërruar jetë persona në duart e saj.
“Një mbyllje tjetër nuk është kërkuar asnjëherë nga Komiteti Teknik. Kemi kërkuar për masat më të mira dhe për shëndetin e qytetarëve. Nuk është dhënë datë për vaksinën. Vaksina do të mbërrijë shumë shpejt në Shqipëri dhe ato të parët që do të vaksinohen do të jenë bluzat e bardha. Është një përjetim që është e vështirë ta thotë dikush se si është gjendja. Ato që përjeton ato që kujdesen, që shohin pacientët në sy janë me të vërtetë të vështira. Nga profesioni jam mësuar tashmë me këto situata. Më kanë vdekur edhe njerëz në duar.
Kur kam dalë nga spitalet ku janë shtruar pacientët Covid-19 më janë mbushur sytë me lot. Testet e shpejta e kanë efektivitetin në një periudhë të shkurtër, kur shifrat janë të ulëta. Pra nëse duhej të ishin bërë në fillim të pandemisë. Ato janë të domosdoshme edhe në këtë periudhë sepse do të kapej situata epidomiologjike në fillim dhe përhapja e virusit do të parandalohej disi,” tha mes të tjerash Rakacolli.
