Gazeta e përditshme franceze “L’Equipe” raporton se Real Madridi i ka ruajtur kontaktet me kapitenin e Interit, Mauro Icardin, të cilit do t’ia propozojë kalimin në kryeqytetin spanjoll gjatë verës që vjen.
Sulmuesi argjentinas shihet nga shumë persona në Madrid si zëvendësuesi ideal afatgjatë i Karim Benzemas, me të cilin tifozët janë zemëruar tej mase kohëve të fundit.
Ndërkohë, “Zikaltrit” duan patjetër të lidhen me argjentinasin përmes një marrëveshjeje afatgjate, në të cilën klauzola e lirimit të tij do të rritej për të paktën edhe 20 milionë euro.
