Një studim i fundit në New York ka zbuluar, pas mbikëqyrjes prej dy muajsh të tre pacientëve që vuanin nga koronavirusi, një infeksion të rrallë që mund të çojë deri në humbje të shikimit. Ata zbuluan se tre pacientët pësuan keratitis, një pezmatim i kornesë së syrit që më pas çoi në dëmtim të indeve dhe humbjes së shikimit.
Profesoresha e Okulistikës në Shkollën e Mjekësisë Zucker në Neë York, Amilia Schrier thotë se zbulimi i tre rasteve të endophthalmitit në një kohë kaq të shkurtër është jashtëzakonisht e rrallë dhe se fakti që ata kishin koronavirusin, bën të mendohet se mund të jetë edhe simptomë e Covid: “Ne duhet të marrim masa, por nuk mundemi të themi me siguri që Covid-19 është shkaku.”
Nga tre rastet e të prekurve me koronavirus, njëri prej tyre ndërroi jetë, tjetrit iu desh ti hiqej një sy, ndërsa i fundit humbi të gjithë shikimin.
Endophthalmitis ndodh shumë rrallë, por mund të shkaktohet nga një virus, thotë Schrier. Sipas doktoreshës, raste të tilla ka pasur në Boston dhe një tjetër në Australi, ku pacientët kanë qenë të infektuar me koronavirus.
Simptomat e endophthalmitit mund të përfshijnë dhimbje, skuqje, lotim nga syri, ënjtje të kapakut të syrit dhe probleme me shikimin. Pacientët ishin në të 60-at dhe u trajtuan në Departamentin e Okulistikës së Shëndetit në Northëell.
Deri më tani është thënë se i vetmi problem që shkakton Covid tek sytë është konjuktiviti, ose syri rozë, që ndodh për shkak të infeksionit, por jo në shkallë serioze. Doktoresha thotë se duhen kryer studime dhe analiza të mjaftueshme për të patur të dhëna konkrete.
