Ardian Faja, operator dhe korrespondent i Agjencisë Telegrafike Shqiptare, shkruan se së fundmi ka kaluar Covid-19. Ai falenderon mjekun Tritan Kalo për kujdesin dhe shërbimin, ndërsa thotë se “nuk u bë emër varreze por u kthye pranë familjes”.
“Mirmbrema ti, që per mua je nje shembull i qënesishëm i betimit te hipokratit. Mirmbrema ti, qe anonimatin e flake tutje ne emer te jetes. Mirmbrema ti qe dyert e familjeve shqiptare i ke te hapura kat e kat.
Mirmbrema ti qe vetëm me fjale zemre mund te falenderoj. Nuk u bera nje emer varreze por u ktheva me gjithe dashurine per jeten dhe familjen. Sot jam kthyer ne shtepi edhe fale teje vellai dhe miku im i mire Tan Kalo”, shkruan Faja.
Ndërsa, mjeku Tritan Kalo thotë se miku i tij e ka kaluar virusin me këmbënguljen e vetë dhe kujdesin e të gjithë mantelbardhëve.
“Kohë kovidiane…..Infeksioni nga Sars-Cov2/Covid-19 e vuri pëballë një sfide të madhe edhe Ardian Fajën, operator/korespondentin e njohur të ATA-s….Njihemi prej dhjetra vitesh e të dy jemi edhe “Qemal Stafista” të thuktë….Me durimin, guximin e këmbënguljen e tij ia doli mbanë i ndihmuar edhe nga kujdesi i Mantelbardhëve e stafit infermjeror…. Të shkuara të plota byrazer e jetofsh edhe dhjetra e dhjetra vite të tjerë pas sodit…..Together forever”, shkruan mjeku Tritan Kalo.
