Kancelarja e gjermane, Angela Merkel, doli me deklaratë zyrtare më 13 dhjetor dhe lajmëroi se do të rivendosej karantina totale më 16 dhjetor, sot. Diçka e tillë u argumentua me rritjen e madhe të numrit të të prekurve.
Gjermania do të mbyllet nga datë 16 dhjetor deri më 3 janar. Përjashtim bëjnë 3 ditët e festave të Krishtlindjeve, ndërsa Viti i Ri mbetet i mbyllur.
Qeveria gjermane ka marrë masa të tilla për të shmangur grumbullimet masive mes njerëzve për festa që mund të ndikojnë negativisht në rritjen e të prekurve.
Pikërisht kjo u disktua sot në emisionin “Shqipëria Live”, ku në një lidhje të drejtpërdrejtë nga gjermania ishte mjekja e njohur shqiptare, Aurora Dollenberg, e cila tha se janë zhgënjyer pak gjermanët nga ky vendim.
Por ajo shtoi se 95 për qind e gjermanëve janë dakord me vendimin që ka marrë qeveria gjermane.
“Mbyllja momentale nuk nënkupton se ne jemi në një gjendje më të keqe se vendet e tjera Europiane, por po marrim masat për në fillim të vitit. Nëse do të lëmë popullin të lirë për festat, atëherë në janar do të jetë problem. Janë bërë sondazhe se çfarë mendojnë njerëzit për vendimin e Merkel, dhe pjesa më e madhe ka qenë pro këtij vendimi. Më mirë të jemi të disiplinuar tani, që të jemi mirë në janar”, tha mjekja e njohur.
Dollenberg theksoi se “Gjermani aktualisht nuk është te shifrat më të larta për numrin e të infektuarve”.
“Veçoria e valës së dytë është rritja e numrit të viktimave. Në prill patëm rritjen e lartë të të infektuarve, tani të vdekjes”, tha ajo
