Ish-ministri i Jashtëm i vendit, Kastriot Islami ka reguar për dorëheqjen e Lleshajt.
Sipas tij debate për emrin e radhës që do të ulet në postin e Ministrit të Brendshëm nuk është tentativë për të zhvendosur vëmendjen nga zhvillimet e fuqishme politike të ditëve të fundit.
“Po vëzhgoj se gjatë orëve të fundit po diskutohet, madje disa edhe me shumë pasion për emrin e pasuesit të Lleshajt!!! Ç’rëndësi ka emri i pasuesit përderisa nuk ka pasur asnjë lloj rëndësie prej 7 vjetësh?!
Ai ose ajo do të jetë një anonim, një kukull, një servil apo një ushtar agresiv që do të zbatojë verbërisht urdhrat e drejtuesit të sektit, sepse ajo që do të drejtojë është thjesht e vetëm polici e sektit!
Nuk është polici e shtetit. As për të ruajtur rendin qytetar e kushtetues, as në shërbim të qytetarëve, as për të respektuar ligjin dhe të drejtat themelore…
Sepse në Shqipëri është vendosur më së fundmi një regjim i ashpër ushtarak e policor. I gjithë debati për emrin e kukullës së radhës bëhet thjesht e vetëm për të zhvendosur vëmendjen! Mos bini pre e kësaj propagande”
