Socialisti Damian Gjiknuri thotë se eksponentë të partive të ndryshme politike janë në krye të protestave që po zhvillohen në Tiranë, motivojnë turmën që të kryejnë akte dhune. Ai u shpreh se vrasja e 25 vjeçarit është ngjarje e rëndë.
“Ngjarje e rëndë. Dhe polici nuk ka vepruar në mënyrë profesionale. Tani ai është para drejtësisë. Kur pati një përshkallëzim protestash, u dorëhoq ministri. Ai nuk kishte përgjegjësi direkte, por mbajti përgjegjësi politike. Hetimi të shkojë deri në fund dhe të nxjerrë përgjegjësitë, qoftë të individit që kreu aktin apo dhe zinxhirit komandues”, u shpreh Gjiknuri.
Sipas socialistit, situata tashmë po përdoret politikisht për ta mbajtur rendin në vend të tensionuar.
“Kemi parë eksponentë para grupimeve të të rinjve që kanë qenë eksponentë politikë që nxisin turmën. Ne jemi dëshmitarë të rasteve të kaluara, këtu janë vrarë qytetarë në Bulevard. Zinxhiri komandues i Gardës jo vetëm që nuk u dorëhoq, por u mbrojten nga qeveria.
Koston nga aktet e dhunës, nga një grup njerëzish të motivuar politiksht, PS nuk ka asnjë kosot. Mbajtja gjallë e tensionit… Ky është një shfrytëzim i situatës nga aktorë politikë për të mbajtur të tensionuar situatën”, u shpreh Damian Gjiknuri në Report TV.
