Prej disa muajsh televizioni i konsideruar si më i madh në vend, Top Channel, ka pësuar ndryshime të mëdha jo vetëm në staf, por dhe në politikat e veta.
Me urdhër nga lart, ky television ka ndryshuar në mënyrë të menjëhershme qendrim ndaj Edi Ramës, të cilin tashmë e ka shpallur “armik”.
Aludimet për këtë veprim janë të shumta, por ajo që e përjashtojnë pothuajse të gjithë, është fakti se ky ndryshim i vijës editoriale të televizionit, nuk bëhet për qëllime profesionale apo morale.
Portali Citynews, shkruan se në fakt, prej disa kohësh Top Channel ka marrë fytyrën e personazheve të sponsorizuara nga familjarët e Lulzim Bashës.
“Në fakt duket se përafrimi me PD-në, po ndodh për çështjen e gjyqit të pronësisë së aksioneve, që pritet të zhvillohet në Gjykatën e Lartë, por le të kthehemi tek fytyra e kunatit të Lulzimit dhe familjes të Bashës.
Një portal i financuar nga familjarët e Bashës e drejtuar nga një njeri që dhuratën më të pavlerë e quan librin, pjesë e klientelës së “Qeverisë Rama’ dhe i mirëpaguar prej saj shfaqet në emisione, në studiot televizive të Top Channel, më shpesh, ndoshta se vetë Luana që drejton emisionin.
Në emisionin e mëngjesit, këtë sezon është vendosur Ornela Nebija, ish zëdhënësja e Bashës e sponsorizuar prej bashkëshortes së tij, Aurelës.
Një tjetër nyje është kalimi i Elona Meços pak javë më parë, nga gazetare kryesore e politikës në Top Channel në një drejtoreshë të mirëpaguar në PD, kuptohet pas bërjes së marrëveshjes me Aurelën dhe vetë Bashën.
Daljet të pafundme në Top Channel të njerëzve të futur së fundmi në lista deputetësh e të akuzuar si klientela e familjes, si Salianji , Agron Shehaj etj, tregon se ky televizion po merr “fytyrën” e kunatit të Lulit.
Top Channel në dy apo tre muajt e fundit edhe para largimit të Sokol Ballës ka qenë totalisht në shërbim të familjes së Lulzim Bashës dhe servilëve të tij, që ai i sponsorizon mediatikisht për t’i kthyer në personazhe të rëndësishme politike.
TOP -i fakeqësisht nga fytyra që mbulonte korrupsionin dhe skandalet e Edi Ramës, por merr fytyrën e klientelës së kunatit dhe familjes së Lulit”, shkruan ky portal.
(TemA)
