Kryetari i Bashkisë së Tiranës, Erion Veliaj ka shkuar në shtëpinë e familjes Rasha në Laprakë, djali më i vogël i së cilës, Klodian Rasha, u vra pesë ditë më parë nga një efektiv i Shqiponjave.
Veliaj së bashku me deputetin e Partisë Socialiste Ulsi Manja, kanë shkuar në familjen Rasha, për të shprehur ngushëllime.
Kujtojmë që në familjen Rasha për të shprehur ngushëllime ka qenë edhe kryeministri Edi Rama, i cili sapo u kthye nga Amerika, u nis per te familja e të ndjerit Klodian Rasha.
