Javën e kaluar Monika Kryemadhi u rizgjodh në krye të Lëvizjes Socialiste për Integrim. Ajo sonte është e ftuar në Open në Top Cannel ku ndodhet përballë gazetarëve për të folur për zgjedhjet në LSI dhe për të ardhmen e partisë së saj.
Kryemadhi foli edhe për djegien e mandateve. Ajo tha se fillimisht ideja ishte që mandatet t’i digjte vetëm PD dhe Monika Kryemadhi.
“Më doli struktura kundër. Fillimisht vendosëm që vetëm unë ta digjia mandatin dhe askush tjetër, por më dolën kundër. Këtë diskutova dhe sapo dolëm nga zyra e Bashës, këtë vendim kishim marrë. Do të ishte thjesht diçka simbolike. Pra fillimisht ideja ishte që grupi parlamentar i LSI të mos digjte mandatet”- tha Kryemadhi.
