Ambasadorja Yuri Kim mori pjesë në Seminarin e OSBE-së mbi “Adresimin e Krimit të Organizuar dhe Korrupsionit nëpërmjet Ripërdorimit të Pasurive Kriminale të Konfiskuara”.
Ambasada e SHBA në Tiranë ka zbardhur mesazhin e Kim, e cila ndër të tjera shprehet se qeveria amerikane do të vijojë punën drejtpërdrejtë me shqiptarët për të luftuar një kërcënim kriminal, siç është korrupsioni.
“Qeveria e SHBA qëndron në krah të popullit shqiptar në luftën tuaj kundër krimit të organizuar dhe korrupsionit. Ne do të vazhdojmë të punojmë drejtpërdrejtë me ju, me qeverinë dhe shoqërinë tuaj civile, dhe nëpërmjet partnerëve të çmuar si OSBE, për t’u përballur me këtë kërcënim kriminal së bashku dhe për të siguruar qeverisjen e mirë dhe sundimin e shëndetshëm të ligjit që vendi meriton” – tha Yuri Kim ndër të tjera.
