Venecia është një nga qytetet më ikonike dhe legjendare në botë. E shtrirë në 118 ishuj të vegjël, Venecia është përfaqësimi i një përjetësie artistike dhe kulturore të kristalizuar me kalimin e kohës.
Një pavdekësi që ka qenë gjithmonë një pre e lehtë për çdo ndryshim në nivelin e detit, por që sot po përballet me tërbimin e përmbytjeve gjithnjë e më kërcënuese dhe të shpeshta, për shkak të ndryshimit të klimës dhe ngrohjes globale.
Niveli i lartë i ujit në nëntor të 2019 fjalë për fjalë e gjunjëzoi qytetin. Çfarë po ndodh? A është një fenomen lokal apo Venecia po përballet me efektet e një krize mjedisore që po prek të gjithë planetin?
Marrëdhënia që gjithmonë e ka lidhur Venecian me lagunën e saj është një ekosistem delikat i rrezikuar nga dora e njeriut. Qyteti mbështetet në një substrate të mbeturinave të lumenjve ende të pa konsoliduar, gjë që shkakton fundosjen progresive të tokës.
Por ndikimi i një fenomeni lokal si ky po shton efektet e rritjes së niveleve të detit të shkaktuara nga ngrohja globale, duke transformuar një fenomen të njohur si përmbytje me përmasa të mëdha që shkaktojnë një thirrje alarmi në të gjithë botën.
Përballë këtyre skenarëve, shkencëtarët e kanë bërë qytetin një laborator të madh në ajër të hapur, për të kuptuar dhe matur efektin e ndryshimit të klimës në planet dhe për të zhvilluar zgjidhje të afta për të shpëtuar Venecian dhe bashkë me të, qytetet e tjera bregdetare të botës që janë të kërcënuara nga ngritja e nivelit të oqeaneve.
Për të frenuar tërbimin e detit dhe për të shpëtuar Venecian, ekspertët po merren gjithashtu me punën më monumentale të inxhinierisë hidraulike të ndërtuar ndonjëherë nga njeriu: MOSE. Një sistem që më 3 tetor, duke hyrë në veprim, arriti të bllokojë një stuhi për herë të parë në historinë e qytetit. Projekti është një sistem i integruar i përbërë nga rreshta portash lëvizëse të instaluara në hyrjet Lido, Malamocco dhe Chioggia që janë në gjendje të izolojnë Lagunën Veneciane përkohësisht nga Deti Adriatik gjatë baticave të larta. Së bashku me masa të tjera, të tilla si përforcimi i bregdetit, ngritja e argjinaturave dhe përmirësimi i lagunës, MOSE është projektuar për të mbrojtur Venecian dhe lagunën nga baticat deri në 3 metra
A është Venecia më në fund e sigurt? Cilat do të jenë efektet e ndryshimit të klimës që po shfaqen në horizont? Për përgjigjen e këtyre pyetje, shkencëtarët po punojnë ende.
