Deputeti i opozitës parlamentare Nimet Musai ka shprehur hapur dëshirën për t’u bashkuar me Partinë Socialiste dhe për të kandiduar në listat e PS në zgjedhjet e 25 prillit.
Ai është shprehur në Report Tv se ende nuk ka biseduar me Myslim Murrizin për t;iu bashkuar partisë së tij, ndërsa ka përjashtuar mundësinë për të rikandiduar në listat e LSI.
“Nuk kam biseduar me Murrizin. Partitë politike po kërkojnë qytetarët apo intelektualët që kanë votat. Partitë politike po kërkojnë banorët e atyre zonave që kanë mbështetje në publik. Asnjëherë nuk kam thënë dhe nuk kam premtuar që të jem deputet i PS-së. Unë do të zgjedh rrugën më e mirë për të shkuar në Parlament. PS është parti e madhe dhe pret shumë deputetë. Unë nuk kam një ofertë nga PS por nuk është e pamundur. Unë po pres që të kalojnë të gjithë reformat. Jam mbështetës i gjithë qytetarëve të Fierit. Kudo që shkoj, që dal në bisedat që bëj, qytetarët dua figura të reja. Prurje të reja që kanë mbështetje në këto qytete” – tha Musai.
Është kënaqësi që së bashku do të jemi në Fier në pozicione të ndryshme. Bashkë ne e dimë se si u zhvilluan ato zgjedhje të 2017. Renditja i katërti që unë kisha në LSI, patjetër që unë e dija që e kisha të pamundur. Për fat, reformën që kemi kaluar, ne mund të garojmë dhe të pavarur” – shtoi Musai.
