Kryetari i PD, Lulzim Basha ka komentuar për herë të parë largimin e këshilltarit të tij, dhe emërimin e tij si zëvendës ministër i Financave në qeverinë e Edi Ramës.
I pyetur në “Real Story” se si e përjetoi largimin e Kadias, një prurrje e re në PD dhe nga një familje e djathtë, Basha tha se ndjen keqardhje.
Por kryedemokrati nuk ngurroi të ironizojë Kadian, duke thënë se disa kohë më parë e kritikonte qeverinë e Ramës, ndërsa sot zgjodhi t’i bashkohet.
Gazetari: Ky rast është te prurjet e reja, familje e djathtë, vjen nga jashtë. Si e shpjegoni faktin që ai befas bëri atë zgjedhje dhe iku.
Basha: Keqardhje kam. Sepse është një person që investoi shumë për t’u identifikuar me ideologjinë e djathtë, papritur mori një vendim që është i tiji, nuk mund të hyj në vendimin e tij personal. Ai kritikonte qeverinë dhe vendimet e saj, por pesë muaj para zgjedhjeve, tani që përkushtimi i gjithsecilit matet nga mobilizimi me çdo kusht për të larguar këtë të keqe, bëri zgjedhjen e tij.
Kujtojme se PD dje deklaroi se e kishte shkarkuar Besart Kadinë pasi tentoi te krijonte nje levizje te re, nderkohe që sot Basha shprehet se eshte vendimi i tij personal, shkruan AlpeNews.al
