Numri dy i PS Taulant Balla nuk i ndahet kreut të PD Lulzim Basha me akuzat për rolin e dyshimtë që ka luajtur në formatimin e dosjes kundër UÇK.
Balla thotë se Basha ua ka borxh shqiptarëve një sqarim për rolin e tij të dyshimtë dhe tinzar në lidhje me hetimin e luftës çlirimtare të Kosovës dhe të ashtuquaturat “burgje të UÇK” në Shqipëri!
Postimi i plotë i Ballës:
Lulezim Basha i detyrohet një përgjigje shqiptarëve në Shqipëri, Kosovë e gjetkë, ku duhet të sqarojë rolin e tij tepër të dyshimtë e tinzar në lidhje me hetimin e luftës së UÇK si dhe në lidhje me të ashtuquajturat “burgjet e UÇK” në Shqipëri.
Jam i bindur që këtë detyrim nuk do ta bëjë, por të paktën tu kthejë përgjigje demokratëve, të cilët duhet të dinë rolin e Kryetarit të tyre de jure në këtë maskaradë anti-kombëtare, ku viktimat e gjenocidit serb po trajtohen si kriminelë, e ku lufta çlirimtare po akuzohet për krime lufte.
Lulezim Basha rezultoka të ketë futur në Shqipëri fshehurazi si turist ekspertin e OKB dhe duhet të shërbejë si dëshmitar i penduar kundër shpifjeve e trillimeve ndaj luftës së UÇK. Në këtë video është gjithçka e qartë.
