Kryeministri Edi Rama ditën e sotme ka qenë i pranishëm në shkollën e re “Shaqe Mazi” në Durrës, e cila u dëmtua nga tërmeti, por tashmë nxënësit do të kenë mundësi të rikthehen edhe njëherë në këtë shkollë.
Ndërsa ishte duke vizituar ambientet e kësaj shkolle, Rama ka shkuar edhe te palestra, aty ku e priste mësuesja e fiskulturës me një top basketbolli në dorë.
Kryeministri e ka ftuar mësuesen në një duel, por fillimisht ajo hezitoi, ndërsa më pas bëri goditi dhe shënoi.
Pas saj topin e mori edhe kryeministri, i cili realizoi një kosh ndërkohë që mori edhe duartrokitjen e të pranishmëve.
