Amerikanët këtë të martë po votojnë për të zgjedhur presidentin e tyre të ri. Mediat e huaja bëjnë me dije se deri më tani sipas sondazheve kryesues është Joe Biden.
Presidenti në detyrë Donald Trump duket se ka humbur dhe mbështetjen e disa prej ish bashkëpunëtorëve të tij më të ngushtë.
Sipas mediave disa ish-pjesëtarë të stafit të Presidentit të SHBA-së, Donald Trump, kanë bërë të ditur votat e tyre në zgjedhjet presidenciale, duke deklaruar se kanë votuar për kandidatin demokrat, Biden.
Disa nga zyrtarët që kanë votuar kundër Trump, janë Michael Cohen, James Comey, Omarosa Manigault Newman, Anthony Scaramuçi, Miles Taylor, Alexander Vindman dhe Olivia Troye të cilët kanë shkruar në Twitter për votën që ja kanë dhënë Bidenit.
