Vala e dytë e Pandemisë covid 19 duket se do lërë pasoja jo pak të vogla edhe në sistemin shëndetësor të vendeve. Gjendja në Itali, një nga shtetet që ende po vuan pasojat e Pandemisë, nuk paraqitet aspak e mirë. Një shkrim i prestigjozes “La Repubblica” tregon vështirësitë që po has sistemi shëndetësor atje për shkak të numrit të lartë të të infektuarëve me covid 19. Artikulli flet për një lëkundje të sistemit shëndetësor dhe probleme serioze sidomos në shërbimet e urgjencës ku thirrjet e qytetarëve janë në nivele tepër të larta. Në shkrim vijohet më tej ku shkruhet se ky fluks i papërballueshëm për shërbimin e urgjencës ka shtuar rrezikun që pacientët të cilët kanë nevojë për shtrim në spital do të duhet të presin një kohë të gjatë.
“Spitalet që mbushen lëkundin të gjithë sistemin shëndetësor, derisa të krijojnë probleme serioze për shërbimet e urgjencës. 40% e thirrjeve që mbërrijnë në 118 në Romë, midis 1,500 dhe 1,800 në ditë, tani kanë të bëjnë me dyshimet për Covid. Këto alarme ngadalësojnë sistemin sepse ndërkohë menaxhimi i rasteve kërkon masa paraprake nga personeli i automjeteve të urgjencës. Por fatkeqësia ndodh kur të shkoni në spital. Dhe këtu ndodh që ambulancat presin edhe më shumë se 24 orë me pacientin në bord jashtë spitalit, duke pritur që të gjendet një shtrat për pacientin. Dhe në spitale, në pritje të shkarkimit të pacientit, në kohë të caktuara ka 30 ose edhe 50 ambulanca. Me nevojën për të krijuar vazhdimisht departamente të reja Covid, ekziston rreziku që ata që kanë nevojë për shtrim në spital do të duhet të presin një kohë të gjatë. Por në të njëjtën kohë, duke qenë se automjetet në qarkullim janë zvogëluar, në kryeqytet ndodh që kodet e verdha, të dytat për nga graviteti, të presin në shtëpi për ambulancën për orë të tëra”, shkruan La Repubblica. (Lexo.al)
