Fotot e ish-kryebashkiakut të Nju Jorkut, Rudy Giuliani, aktualisht avokat i Donald Trump, me një vajzë në hotel, bënë xhiron e rrjetit një ditë më parë.
Ai u filmua në një moment të sikletshëm për filmin e fundit “Borat”, ndërsa dukej se po zhvishej para një vajze të re.
Por, aktori Sacha Baron Cohen nuk ka lejuar që kjo skenë të vazhdojë më tej dhe ka ndërhyrë gjatë momentit “deçiziv”.
Ai hyn në dhomë duke bërtitur në drejtim të Giulianit: “Ajo është vetëm 15 vjeç, është shumë e vogël për ty”.
Giuliani e mohon të ishte bërë ndonjë gjë, por pamjet tregojnë të kundërtën.
Por, kush është “15-vjeçarja” që mori më qafë ish-kryebashkiakun?
Ajo quhet Maria Bakalova dhe është një aktore nga Bullgaria.
Natyrisht që nuk është 15 vjeç, por 24.
Aktorja u diplomua nga shkolla e filmit vitin e kaluar dhe arriti të mashtronte 76-vjeçarin Giuliani, duke u hequr si një reportere republikane, që donte të bënte një intervistë me të.
