Një aksident me pasojë vdekjen e një 78-vjeçari është regjistruar sot në Kavajë. Ngjarja ndodhi rreth orës 09:15 në vendin e quajtur rrethrrotullimi i motor-pompës.
Burime për ‘BalkanWeb’ thanë se një makinë ka përplasur një biçikletë, dhe për pasojë ka ndërruar jetë drejtuesi i kësaj të fundit, shtetasi Latif Gjeçi.
Deri më tani nuk dihen rrethanat e ngjarjes në fjalë, ndërsa policia po heton për zbardhjen e shkaqeve.
“Më datë 19.10.2020, rreth orës 09:40, në vëndin e quajtur “Pompat e Ujit”, në Kavajë, mjeti me drejtues shtetasin B.H., ka aksidentuar biçiklistin shtetasin L.Gj., 78 vjeç, i cili si pasojë e plagëve të marra ka ndërruar jetë në spital.
Grupi hetimor vijon punën për zbardhjen e rrethanave të ngjarjes.”, thuhet në njoftimin e policisë.
