Turqia kërkon parandalimin e përshkallëzimit të incidenteve në Iran dhe mënjanimin e ndërhyrjeve nga jashtë, njoftoi sot agjencia zyrtare turke e lajmeve. .
Në një deklaratë të publikuar nga Ministria e Jashtme e Turqisë vihet në dukje shqetësimi në lidhje me lajmet për vazhdimin e protestave që kanë nisur më 28 dhjetor në Iran, për persona që kanë humbur jetën në këto ngjarje.
“Në këtë kontekst, duke marrë në konsideratë deklaratën e bërë nga presidenti i Iranit, Hasan Ruhani, se njerëzit kanë të drejtën për demonstrata paqësore, por që ligji nuk duhet të shkelet dhe se prona publike nuk duhet të dëmtohet, ne shprehim besimin tonë se duhet të shmanget dhuna dhe se nuk duhet të bihet pre e provokimeve”, thuhet në këtë deklaratë.
Nëntë persona të tjerë u vranë gjatë natës së djeshme në të gjithë Iranin, pas valës së protestave antiqeveritare që kanë përfshirë vendin duke e çuar numrin e përgjithshëm të viktimave në 19, njoftoi sot televizioni shtetëror iranian.
