Kryeministri Edi Rama në rolin e drejtuesit të tryezës së rrumbullakët që shenjoi mbledhjen e gjashtë të qeverive, Shqipëri-Kosovë, ia kaloi fjalën zv.kryeministres së Kosovës, Albulena Balaj.
Mes elozhesh, Rama ftoi Albulenën të fliste por kjo e fundit e tërhoqi fjalimin e saj për shkak se këtë fjalim e kishin ezauruar mesa duket, Rama dhe homologu i tij Avdullah Hoti.
REPLIKAT:
RAMA: Unë po ia jap fjalën zv.kryeministres Albulenës, e cila ka taksiratin e veçantë të bëjë bashkë dy palë shqiptare dhe ia del me sukses!
ALBULENA: Sa taksirat aq edhe kënaqësi se ideja e këtij takimi është gjithnjë madhështore.
Fjala ime ishte në funksion të shtjellimit të çdo marrëveshje që do bëhet sot, por meqënëse ju dhe zoti Hoti e patët fjalën pothuajse të njëjtë, unë po e tërheq, faleminderit shumë!
RAMA: E shikon sa e mirë dhe e veçantë je, sa mirë na kupton?! (Qesh dhe ia kalon fjalën një zyrtari tjetër)
