Silva Bino, shefja e Epidemiologjisë së Institutit të Shëndetit Publik (ISHP) është prekur nga COVID 19.
Ndaj kësaj ka reaguar Kreu i Urgjencës Kombëtare, Skënder Brataj, i cili i ka uruar shërim të shpejtë mjekes.
Me anë të një postimi në rrjetet sociale Brataj shprehet se koronavirusi ka marrë përmasa të mëdha dhe nuk po kursen as personelin mjekësor, duke theksuar se virus nuk pyet dhe nuk ka radhë.
“Sëmundja nuk pyet dhe nuk ka radhë. Coronavirusi që tani ka marë përmasa akoma më të mëdha vazhdon të infektojë pa kursyer as personelin mjeksor. Doktoresh Silva njëra nga profesionistet më të mira të shëndëtësisë shqipëtare ka qenë në vijën e parë që me fillimin e kësaj epidemie. Edhe doktoresh Silva nuk ishte e pa prekshme, prandaj i urojmë shërim të shpejtë dhe kthim në detyrë sa më shpejt. Kemi nevojë për profesionalizmin tuaj doktoresh Silva,” shkruan Brataj.
