Detaje të reja kanë dalë në dritë nga ngjarja që terrorizoi qytetin e Elbasanit, duke sjellë një panoramë më të qartë të asaj se çfarë ndodhi në ato 5 orë negociata me Lefter Zhidrun, por që rezultuan të pasuksesshme. Gazetari i Report Tv, Ronaldo Gjoshi mëson se Zhidru nuk është dorëzuar pavarësisht përpjekjeve të policisë, pasi ka menduar se i ka vrarë dy të kalimtarët, L. S., 22 vjeç dhe A. K., 21 vjeç.
Ato mbetën të plagosur, si pasojë e të shtënave që 71-vjeçari qëlloi në drejtim të policisë, por ai mendoi se i kishte vrarë. Kjo vërtetohet edhe nga fjalët që Zhidro u ka thënë dy miqve të tij që bashkëpunuan me policinë në tentativën e tyre për ta bindur të moshuarin që të dorëzohej.
“Largohuni se dy i vrava, juve do ju hedh trutë në erë”, mësohet t’u ketë thënë Zhidru dy miqve teksa largoheshin.
