Ministrja e Financave dhe Ekonomisë, Anila Denaj ka dalë sot në një konferencë për shtyp sa I takon kërkesave të Ligës Profesioniste për plotësimin e katër pikave drejtuar Qeverisë. Bojkoti që presidentët e klubeve shqiptare I kanë bërë kampionatit të futbollit, është cilësuar nga Denaj si një presion ndaj Qeverisë, ndërsa kjo e fundit ka ftuar “biznesin që drejton ligën” të gjejë mënyra të tjera për nxitjen e futbollit.
“Futbolli nuk duhet të jetë mjet shantazhi ndaj Qeverisë. Kemi bërë miratimin e Ligjit që nxit sponsorizimet. Kemi folur për formalizim, për sfidat e saj në të gjitha fushat e ekonomisë. Nuk është produkt I një qeverisje. Kemi folur për informalitetin edhe në futboll. Duam që klubet të formalizohen në një afat 2 vjeçar, për t’u ndihmuar. Klubet nga 2 vjet duan që kjo të shkojë në 10 vite.
Kërkesa e tretë ka të bëjë me gjobat dhe faljen fiskale. Duam ta shohim këtë kërkesë si diçka që nxit investimet në terrenet sportive, duke nxitur investimet. Kërkesa e fundit është TVSH, zbritja e saj nga 20 në 6 përqind, si sektori I Turizmit apo Bujqësisë. Kemi ulur në 6 përqind TVSH e investimeve në infrastrukturën sportive. Biznesi që drejton ligën të shkëputet nga aktiviteti I tij dhe të nxisë sportin në mënyra të tjera.
Kjo për të mos dekurajuar asnjë por për të marrë masa më të mira për zhvillimin e sportit. Klubet janë pjesë e pushtetit vendor. Por pse? Është teRritori dhe aseti I tyre. Menaxhimi është diçka ndryshe. Roli I pushtetit vendor është domosdoshmëri. Nuk mund të financojë bashkia pagën e futbollistëve. Ka presione të mëdha për të paguar detyrimet nga taksat që mblidhen për t’u marrë me pastrimin e qytetit dhe punët e tjera dhe nuk mund të paguhen rrogat e futbollistëve.
Këtë ndryshim që bëmë, u qasëm vetëm në ndryshimin e pronësisë. Për të gjithë përfaqësuesit e Ligës ftesa mbetet e hapur. Debati nuk do të ndodhë nëpërmjet televizioneve, por të kuptojmë të dyja palët që financimet në sport dhe jo vetëm në futboll të jenë mjet për të nxitur rininë që të merret me aktivitet sportive”, tha Denaj mes të tjerash. /Marrë nga Newsport.al
