Ministrja e Shtetit për Marrëdhënien me Parlamentin Elisa Spiropali, është shprehur në emisionin “5 Pyetjet” nga Babaramo në Report Tv se kandidatët për deputetë të PD-së nuk kanë nevojë për shfaqje me komisione.
Duke iu referuar procesit që PD ka zgjedhur për kandidatët e saj, Spiropali thotë se PS-ja nuk kujtohet vetëm në periudhë zgjedhjesh për qytetarët, por ata janë gjatë gjithë kohës në terren.
“Ne nuk i seleksionojmë kështu me komisione që pastaj të vijnë dhe të jenë po të njëjtët emra. Nuk kemi nevojë për kështu shfaqjesh me komisione. Ne kemi marrëdhënie të rregullt me anëtarët e PS-së. Nuk kujtohemi vetëm në periudhë zgjedhjesh që të shkojmë në zyrat e PD-së, pasi i kishin bërë çorapë”, deklaroi Spiropali.
