Pas ngjarjes tronditëse në Berat se një 66-vjeçar kishte tentuar të përdhunonte një adoleshent, është marrë në pyetje i akuzuari Romeo Oço.
Pas marrjes në pyetje 66-vjeçari Romeo Oço ka deklaruar se, mes tij dhe 16-vjeçarit kishte një lidhje intime që vazhdonte prej muajsh, me pëlqimin e të dyve.
Adoleshenti ka treguar se prej disa muajsh ai ishte ngacmuar seksualisht nga komshiu i tij Oço.
“Për muaj me radhë komshiu im Romeo më prekte me duar në zonat intime dhe më detyronte me forcë që dhe unë ta prekja. Kjo histori vazhdon prej muajsh por unë kam pasur frikë prej tij dhe nuk i kam treguar askujt. Sot kur më mori duke më kërcënuar pas banesës së tij ai tentoi më shumë dhe unë nga frika dhe për të shpëtuar prej tij mora një gur,i qëllova në shpatull dhe u largova me vrap”.
Kjo ka qenë një pjesë e deklaratës së dhënë në polici nga 16-vjeçari K.J, i cili ju nënshtrua më pas edhe një vizite të specializuar mjekësore, nga e cila rezultoi se kishte shenja të dukshme të ngacmimit seksual.
