Rusia shpërndan në publik dozat e para të vaksinës kundër Covid-19, e quajtur Sputnik V.
Ministria ruse e Shëndetësisë njofton se vaksina është zhvilluar nga Qendra Kombëtare ruse e Kërkimit të Epidemiologjisë dhe Mikrobiologjisë, dhe Fondi Rus i Investimeve Direkte (RDIF). Më tej, Ministria njofton se vaksina ka kaluar të gjitha testet e nevojshme në laborator dhe është shpërndarë në popullsi.
Ministria ruse e Shëndetësisë regjistroi vaksinën e parë kundër Covid-19, të quajtur Sputnik V, më 11 gusht. Kryebashkiaku i Moskës Sergej Sobyanin shprehu shpresë të Dielën që shumica e banorëve të kryeqytetit rus do të vaksinohen kundër koronavirusit brenda disa muajsh.
