Presidenti Ilir Meta ka ftuar në një takim bilateral Kryetaren e LSI-së Monika Kryemadhi, për të diskutuar për datën e zgjedhjeve parlamentare.
Ata do takohen në presidencë për të vendosur se kur duhet të votojnë shqiptarët.
Më parë Meta ka ftuar Kryetarin e PS-së Rama dhe kryetarin e PD-se Lulzim Basha, për të diskutuar për datën e zgjedhjeve parlamentare.
Takimet do të mbahen në të njëjtën ditë, më 4 shtator, por në orë të ndryshme.
Kështu, Meta ka ftuar Ramën në orën 11:00, dhe Bashën në orën 12:00.
Me këtë ftesë, Meta nis bisedimet me partitë politike për caktimin e datës së zgjedhjeve.
Sipas ndryshimeve të reja të Kodit Zgjedhor zgjedhjet e ardhshme do të zhvillohen në periudhën 15 prill – 15 maj.
Taulant Balla, sekretari i përgjithshëm i PS-së ka deklaruar se PS do të dëshironte datën 9 maj. Ndërsa PD dhe LSI ende nuk kanë bërë publike një datë.
