Një ngjajre tragjike në ditën më të gëzuar të një familjeje është raportuar një ditë më parë në Kinën veriore.
Të paktën 17 persona humbën jetën brenda një restoranti dasmash i cili u shemb dhe i zuri poshtë.
Ngjarja u raportua në qarkun Xiangfen, në provincën Shanxi në Kinë.
Agjensia e lajmeve Xinhua raportoi se “janë nxjerrë 45 persona, nga të cilët 17 ishin të vdekur, shtatë të plagosur rëndë dhe 21 të plagosur lehtë”.
Qindra persona u përfshinë në angazhimet për të kërkuar të mbijetuar.
Ende nuk dihen shkaqet e ngjarjes tragjike.
